وزیر اعظم آفس کے ترجمان نے تحریک عدم اعتماد کے حوالے سے ایک میڈیا چینل پراپوزیشن ارکان کو اسمبلی تک پہنچنے میں رکاوٹ ڈالنے کے حوالے سے چلائی جانے والی خبروں کوبے بنیاد قراردیا ہے۔
اسلام آباد – (اے پی پی و دیگر): وزیراعظم میڈیا آفس سے جاری بیان کے مطابق ترجمان نے کہا کہ ان خبروں کے مطابق اپوزیشن کے ارکان کو اسمبلی تک پہنچنے میں رکاوٹ ڈالی جائے گی۔
وزیر اعظم آفس اس خبر کی سختی سے تردید کرتا ہے اور ایسی یکطرفہ پراپیگنڈا مہم کی سخت مذمت کرتا ہے۔وزیر اعظم جمہوری عمل پر مکمل یقین رکھتے ہیں اور کسی بھی غیر آئینی اقدام کے مخالف ہیں۔
علاوہ ازیں ٹوئٹر پر جاری اپنے بیان میں وفاقی وزیراطلاعات و قانون فود چوہدری نے کہا کہ تحریک انصاف مڈل کلاس کی پارٹی ہے، مخالف میڈیا ہاؤسز کی کمپین کے تحریک انصاف کے کارکن خون ریزی کریں گے حیران کن ہے، تمام عمل آئین کے مطابق ہو گا کسی تشدد کی کوئی گنجائش نہیں ، ایک مہذب قوم کا احتجاج مہذب ہو گا پر تشدد احتجاج کی خبر بھی درجنوں خبروں کی طرح فیک نیوز ہے۔
تحریک انصاف مڈل کلاس کی پارٹی ہے، مخالف میڈیا ہاؤسز کی کمپین کے تحریک انصاف کے کارکن خون ریزی کریں گے حیران کن ہے، تمام عمل آئین کے مطابق ہو گا کسی تشدد کی کوئ گنجائش نہیں ، ایک مہذب قوم کا احتجاج مہذب ہو گا پر تشدد احتجاج کی خبر بھی درجنوں خبروں کی طرح فیک نیوز ہے
— Ch Fawad Hussain (@fawadchaudhry) April 2, 2022
یاد رہے کہ بعض صحافیوں اور میڈیا اداروں نے آج عدم اعتماد پر ووٹنگ کے روز حکومت کی جانب سے تصادم کی منصوبہ بندی کرنے کی خبریں شائع کی تھیں۔
