ملتان سے پاکستان تحریک انصاف کے رکن پنجاب اسمبلی چوہدری مسعود احمد نے اپنی نشست سے استعفیٰ دے دیا ہے۔

چوہدری مسعود احمد 2018ء کے انتخابات میں پی پی 257 سے کامیاب ہوئے تھے، استعفی پیش کرتے ہوئے چوہدری مسعود کا موقف تھا کہ حکومت پنجاب کے جانبدارانہ رویے سے دل برداشتہ ہوکر اپنے منصب سے مستعفی ہوا ہوں، اپنے حلقہ کے ساتھ کی گئی زیادتیوں جبکہ ترقیاتی و انتظامی امور میں فرق رکھنے پر استعفیٰ جمع کروایا۔

چوہدری مسعود احمد نے کہا کہ ذہنی طور پر پریشان رکھنے، ترقیاتی وانتظامی امور میں رکاوٹیں ڈالنے کی وجہ سے مزید اس حکومت کا حصہ نہیں رہنا چاہتا۔ انہوں نے کہا کہ میں نے استعفیٰ ڈپٹی اسپیکر پنجاب اسمبلی کو بھیجوا دیا ہے۔