وزیراعظم عمران خان سے گورنر پنجاب عمر چیمہ نے ملاقات کی جس کے بعد پنجاب کے سیاسی بحران سے نمٹنے کے لیے وزیراعظم نے دورہ لاہور کا فیصلہ کیا ہے۔

تفصیلات کے مطابق وزیراعظم عمران خان کے کل دورہ لاہور کا امکان ہے جس میں وزیراعظم اہم ملاقاتیں کریں گے، وزیراعظم سے وزیراعلی عثمان بزدار، چوہدری پرویزالہی کی ملاقاتیں بھی ہوں گی ساتھ ہی وزیراعظم اتحادی جماعت کے ارکان اسمبلی سے بھی ملاقاتیں کریں گے،وزیر اعظم سے ناراض ارکان اسمبلی کی ملاقاتیں کروائے جانے کا بھی امکان ہے۔

وزیراعظم کی زیر صدارت پارٹی رہنماؤں کا اجلاس بھی آج ہوگا جس میں مستقبل کی حکمت عملی پر غور ہوگا۔

وزیراعظم عمران خان نے پی ٹی آئی پارلیمانی بورڈ کا اجلاس بھی کل طلب کرلیا ہے جس میں آئندہ انتخابات کے لیے ٹکٹوں کی تقسیم سے متعلق مشاورت کی جائے گی۔