سیکریٹری الیکشن کمیشن کا کہنا ہے کہ آئندہ عام انتخابات 3 ماہ میں نہ کرانے کی خبروں میں کوئی صداقت نہیں ہے۔
تفصیلات کے مطابق سیکریٹری الیکشن کمیشن عمر حمید نے کہا ہے کہ 3 ماہ میں عام انتخابات کے حوالے سے چلنے والے خبریں بےبنیاد ہیں۔انہوں نے کہا کہ الیکشن کمیشن پہلے ہی سندھ، بلوچستان، پنجاب میں بلدیاتی انتخابات کا شیڈول جاری کر چکا ہے اور عام انتخابات کے اعلان کی صورت میں بلدیاتی انتخابات منسوخ مرنے پڑیں گے۔ان کا کہنا تھا کہ انتخابات کرانا الیکشن کمیشن کی آئینی ذمہ داری ہے جس کیلئے ادارہ ہر وقت تیار ہے۔
انہوں نے بتایا کہ الیکشن کمیشن آئین اور قانون کے مطابق اپنی ذمہ داری پوری کرے گا، ادارے نے انتخابات کی تیاریوں کے حوالے سے ہنگامی اجلاس بلایا ہے اور ہونے والے اجلاس میں عام انتخابات کی صورت میں تیاریوں کا جائزہ لیا جائیگا۔