اٹارنی جنرل بیرسٹر خالد جاوید خان نے چیف جسٹس پاکستان عمر عطا بندیال اور وزیراعظم عمران خان سے علیحدہ علیحدہ ملاقات کی ہے، جس میں مختلف قانونی و آئینی معاملات پر گفتگو کی گئی۔

اٹارنی جنرل کی چیف جسٹس پاکستان عمر عطا بندیال سے ملاقات میں سپریم کورٹ میں آئینی امور اور ججز کی تعیناتی کے طریقہ کار پر گفتگو کی گئی۔ ذرائع کے مطابق چیف جسٹس اور اٹارنی جنرل کی ملاقات 45 منٹ تک جاری رہی، جس کے بعد اٹارنی جنرل وزیراعظم ہاؤس پہنچے۔

اٹارنی جنرل خالد جاوید خان نے وزیراعظم ہاؤس میں عمران خان سے ملاقات کی، جس میں تحریک عدم اعتماد اور دیگر قانونی امور پر تبادلہ خیال کیا گیا۔

یاد رہے کہ وزیراعظم کے خلاف تحریک عدم اعتماد پر ووٹنگ 3 اپریل 2022ء کو ہو گی۔