وزیر مملکت برائے موسمیاتی تبدیلی زرتاج گل کی آڈیو سوشل میڈیا پر وائرل ہوگئی ہے۔
تفصیلات کے مطابق وزیر مملکت برائے موسمیاتی تبدیلی زرتاج گل کے آڈیوبیان میں انہیں کہتے ہوئے سنا جاسکتا ہے کہ آپ لوگوں کو ریلی نہیں نکالنی، بینرز لے کر کھڑےہونا اور بیٹھنا ہے تاکہ ٹریفک بلاک ہوجائے، آپ نے بینرز پر لکھوانا ہے ہم امت مسلمہ کے لیڈرکے ساتھ کھڑےہیں ،آپ نے بینرز پر لکھواناہے یہ نا انصافی ہم نہیں ہونے دیں گے۔
کپتان کی زبان پھسلی امریکا کا نام غلطی سے نکل گیا اور اب زرتاج گل صاحبہ بھی امریکا کا نام بینرز پر نہ لکھنے کی ہدایات جاری کر رہی ہیں تو یہ کیسی مصنوعی خودداری ہے ؟
باقی مذہب کارڈ کا استعمال تو نام نہاد ریاست مدینہ سے ہو چکا تھا اور اب شان مصطفیٰ ص کا لیڈر ایک اور اضافہ – pic.twitter.com/rNdlhWCFpf— Syed Kousar Kazmi (@SyedKousarKazmi) April 2, 2022
زرتاج گل کا آڈیو پیغام میں مزید کہنا تھا کہ بینرز پر امریکا نہ لکھیں، یہ ضرور لکھیں ضمیر فروش نامنظور ، وزیراعظم کےالگ سے بینرز چھاپیں کہ ہم عمران خان کےساتھ کھڑے ہیں۔
ان کاکہناتھاکہ سازش بہت سارے ممالک کی طرف سےکی جارہی ہے،کسی ملک کا نام نہیں لیتی۔
