چوہدری سرور کو گورنر کے عہدے سے ہٹانے کی اندرونی کہانی سامنے آگئی ہے۔

ذرائع کے مطابق گورنر پنجاب کو اہم شخصیات کی شکایت پر ہٹایا گیا جبکہ اتحادی جماعت کو بھی گورنر پنجاب کے تعاون نہ کرنے کی شکایت تھی۔ذرائع نے بتایا کہ گورنرپنجاب کےعلم میں لائے بغیر انہیں عہدے سے ہٹایا گیا، 3 روز قبل چوہدری سرورکے وزیراعظم سے بھی اختلافات ہوئے تھے۔ذرائع نے مزید بتایا کہ چوہدری سرور وزیراعظم عمران خان سے ناراض ہو کر پی ایم ہاؤس سے آگئے تھے۔

حکومتی ذرائع نے بتایا کہ چوہدری سرور حمزہ شہباز کے لیے مہم چلا رہے تھے۔ذرائع نے بتایا کہ چوہدری سرور وزارت اعلیٰ کے منصب کیلئےچوہدری پرویز الہیٰ کی مخالفت کر رہے تھے۔ذرائع کے مطابق پرویز الہیٰ نے وزیراعظم عمران خان کو ٹیلی فون کر کے شکایت کی اور وزیراعظم نے معاملے کا نوٹس لیتے ہوئے صدر کو گورنر پنجاب کی برطرفی کیلئے ایڈوائس کیا۔

واضح رہے کہ اب سے کچھ دیر قبل یہ خبر سامنے آئی تھی کہ وفاقی حکومت نے گورنر پنجاب چوہدری محمد سرور کو ان کے عہدے سے برطرف کر دیا ہے۔