ڈاکٹر عامر لیاقت حسین نے پاکستان تحریک انصاف کو چھوڑنے کا اعلان کر دیا ہے۔

ٹوئٹر پر جاری اپنے بیان میں ڈاکٹر عامر لیاقت نے کہا کہ یہ ڈرامہ ختم ہونے کے بعد کہنا چاہتا ہوں کہ وزیراعظم نے جو کچھ کیا اس سے یہ ثابت ہو گیا کہ اپوزیشن جو کچھ کررہی تھی درست کررہی تھی۔ انہوں نے کہا کہ میں تحریک انصاف چھوڑنے کا اعلان کرتا ہوں، آئین سے کس نے انحراف کیا اور منحرف کون ہے؟ فیصلہ عدالت کرے گی لیکن افسوس کہ آرمی چیف جنرل قمر جاوید باجوہ کو ہٹانے کیلئے یہ کھیل کھیلا گیا۔

ڈراما ختم ہونے کے بعد کہنا چاہتا ہوں کہ وزیراعظم نے جو کچھ کیا ثابت ہوگیاکہ اپوزیشن جو کچھ کررہی تھی درست کررہی تھی،میں تحریک انصاف چھوڑنے کا اعلان کرتا ہوں،آئین سے کس نے انحراف کیا اور منحرف کون ہے؟ فیصلہ عدالت کرے گی لیکن افسوس کہ جنرل قمرباجوہ کو ہٹانے کے لیے یہ کھیل کھیلا گیا

— Aamir Liaquat Husain (@AamirLiaquat) April 3, 2022

واضح رہے کہ ڈاکٹر عامر لیاقت کا شمار پہلے بھی پی ٹی آئی کے ناراض اراکین اسمبلی میں ہوتا تھا، انہوں نے چند روز قبل سندھ ہاؤس میں متحدہ اپوزیشن کے اجلاس میں بھی شرکت کی تھی، جس میں پی ٹی آئی کے 20 سے زائد منحرف اراکین شریک تھے۔