پاکستان پیپلز پارٹی کے رہنما اور سینئر قانون دان اعتزاز احسن کا کہنا ہے کہ عمران خان نے کھیل ہی ختم کردیا، آرٹیکل 6 کا فیصلہ عدالت کرے گی، ان کا یہ سیاسی تجزیہ ہے کہ حکومت نے آئین کے خلاف کام کیا ہے۔

نجی ٹی وی اے آر وائی نیوز کے پروگرام میں گفتگو کرتے ہوئے اعتزاز احسن نے کہا کہ عمران خان نے گیم ہی ختم کردی، ایسی توقع نہیں تھی کہ عمران خان ایسی گیم کھیلے گا کہ کھیل ہی ختم کردے گا۔

انہوں نے کہا کہ کراچی سے خیبر تک آئین و قانون کی خلاف ورزیاں ہو رہی ہوتی ہیں، سپیکر آئین کے خلاف رولنگ دے رہے ہوتے ہیں، ہر جگہ تو آرٹیکل 6 نہیں لگ رہا ہوتا، اس کا فیصلہ عدالت کرے گی کہ آرٹیکل 6  لگتا ہے یا نہیں، اپوزیشن تو بالکل کہے گی کہ آرٹیکل 6 لگتا ہے کیونکہ ان کی جدو جہد تھی اور وہ حکومت تبدیل کرنا چاہتے تھے۔