مسلم لیگ (ن) کے صدر شہباز شریف نے نگران وزیراعظم کے نام کیلئے وزیر اعظم سے مشاورت کرنے سے انکار کردیا۔ 

شہباز شریف کا کہنا ہے کہ صدر مملکت آئین شکنی کے مرتکب ہوئے، آئین توڑنے والوں سے بات کیسے ہو سکتی ہے۔ ان کا کہنا ہے کہ نگران وزیراعظم کیلئے مشاورت کا حصہ نہیں بنوں گا، الیکشن کی طرف اصلاحات کے بعد جائیں گے۔ انہوں نے کہا ہے کہ صدر مملکت ،عمران خان ،اسپیکر اور ڈپٹی اسپیکر نے آئین شکنی کی۔آئین اور قانون کو توڑنے والے ہمیں کیسے خط لکھ سکتے ہیں۔ ان کا کہنا ہے کہ  ہماری نظریں سپریم کورٹ پرہیں۔عدلیہ سے امیدہے وہ آئین کی پاسداری کویقینی بنائیں۔عمران خان نے اپوزیشن کو پیغام پہنچایاتھا کہ ہمیں راستہ دیا جائے۔ میڈیا سے بات چیت کے دور ان ایک سوال پر شہباز شریف نے کہا کہ نگران وزیراعظم کے نام کے لئے مشاورت کا حصہ نہیں بنوں گا ۔ شہباز شریف نے کہا کہ صدر آئین شکنی کے مرتکب ہوئے ہیں ،ہماری نظریں سپریم کورٹ پر ہیں۔