سوشل میڈیا پر اپنے بیان میں وزیراعظم عمران خان کا کہنا تھا کہ ایف بی آر نے مالی سال 22-2021ء کی پہلی سہ ماہی کیلئے مقرر کئے گئے1211 ارب روپے کے ہدف کے مقابلہ میں 1395 ارب روپے کے ٹیکس محصولات جمع کئے۔ مقررہ ہدف سے زیادہ ٹیکس جمع کرنے پر قوم کو مبارکباد پیش کرتا ہوں۔ وزیر اعظم نے کہا کہ رواں مالی سال کی پہلی سہ ماہی میں ٹیکس وصولیاں گزشتہ مالی سال کے اسی عرصہ کی آمدن میں یہ 38 فیصد نمو کی علامت ہے۔
ایف بی آر کی جانب سے مالی سال 22-2021 کی پہلی سہ ماہی کےدوران 1,211 ارب کےطے شدہ ہدف کی بجائے کامیابی سے 1,395 ارب روپے جمع کرنے پر میں قوم کو مبارکباد پیش کرتا ہوں۔گزشتہ برس اسی عرصے کے دوران ہونے والی آمدن میں یہ 38 % نمو کی علامت ہے۔
— Imran Khan (@ImranKhanPTI) October 1, 2021
یاد رہے کہ ٹیکس گوشوارے جمع کرانے کی آخری تاریخ 30 ستمبر 2021ء تھی جبکہ تاجروں کی طرف سے ٹیکس جمع کرانے میں ماضی کی نسبت زیادہ دلچسپی لیکن ٹیکس گوشوارے جمع کرانے کے سسٹم میں تکنیکی خرابی کی شکایات ایف بی آر کو موصول ہو رہی تھیں، جس کی وجہ سے ٹیکس گوشوارے جمع کرانے کی آخری تاریخ میں 15 اکتوبر 2021ء تک توسیع کر دی گئی تھی۔
