آئی سی سی نے ٹی ٹوئنٹی ورلڈکپ میں پلیئر آف دی ٹورنامنٹ کے امیدواران کی فہرست جاری کردی ہے۔

انٹرنیشنل کرکٹ کونسل نے پلیئر آف دی ٹورنامنٹ کیلئے 9 کھلاڑیوں کی نامزدگی کی فہرست جاری کی ہے جس میں 2 پاکستانی کرکٹرز شامل  ہیں۔

آئی سی سی کی فہرست میں پاکستان کے شاداب خان اور شاہین آفریدی پلیئر آف دی ٹورنامنٹ کے امیدواروں میں شامل ہیں۔

بھارت سے سوریا کمار یادیو اور ویرات کوہلی جب کہ انگلینڈ کے سیم کرن، جوز بٹلر اور ایلیکس ہیلز نامزدگیوں میں شامل ہیں۔

علاوہ ازیں زمبابوے کے سکندر رضا اور سری لنکا کے ہسارنگا بھی ایوارڈ کیلئے شارٹ لسٹ کئے گئے ہیں۔

آئی سی سی پلیئر آف دی ٹورنامنٹ کے انتخاب کیلئے فینز کے ووٹس بھی شمار کرے گا۔