ویسٹ انڈیز کرکٹ ٹیم کے مزید 3 کھلاڑیوں سمیت 2 آفیشلز میں کورونا وائرس کی تصدیق ہوئی ہے، اس سے پہلے بھی 3 کھلاڑیوں میں کورونا وائرس کی تشخیص ہوئی تھی۔
تفصیلات کے مطابق ویسٹ انڈیز کرکٹ بورڈ نے مزید 3 کھلاڑیوں سمیت 2 آفیشلز میں کورونا وائرس کی تصدیق کی ہے جس کے بعد آج ہونے والا تیسرا ٹی ٹوئنٹی میچ اور ون ڈے سیریز خطرے میں پڑ گئی ہے۔واضح رہے کہ پاکستان اور ویسٹ انڈیز کے درمیان تین ٹی ٹوئنٹی میچز پر مشتمل سیریز کھیلی جارہی ہے جس کے پہلے دو میچز جیت کر پاکستان پہلے ہی سیریز اپنے نام کرچکا ہے۔
A further five members of the West Indies touring party have tested positive for COVID-19 | More below: https://t.co/lOhSH1UdIu
— Windies Cricket (@windiescricket) December 16, 2021
دورہ پاکستان پر آنے والے 6 کھلاڑی اب تک کورونا کی وجہ سے ٹور سے باہر ہو چکے ہیں جبکہ ڈیون تھامس انجری کا شکار ہیں، وہ پہلے ٹی ٹوئنٹی میں انجرڈ ہوئے تھے۔کرکٹ ویسٹ انڈیز اور پی سی بی حکام کا آج دورہ جاری رکھنے سے متعلق اجلاس ہو گا۔
یاد رہے کہ ویسٹ انڈیز کے دورہ پاکستان کے دوران تین ون ڈے میچز پر مشتمل سیریز بھی کھیلی جانی ہے جس کا پہلا میچ 18 دسمبر کو کھیلا جائے گا جبکہ دوسرا میچ 20 دسمبر اور تیسرا اور آخری میچ 22 دسمبر کو کھیلا جانا ہے جس کے ہونے کا آثار انتہائی کم نظر آرہے ہیں۔
