پاکستان اسٹاک ایکسچینج  میں آج کاروبار اور سرمایہ کاری کا منفی رجحان رہا ۔

تفصیلات کے مطابق پاکستان اسٹاک ایکسچینج  کے 100 انڈیکس میں مجموعی طور پرکاروباری دن میں 489 پوائنٹس کی کمی ریکارڈ کی گئی،  جس کے بعد کاروبار کا اختتام 39 ہزار 342 پوائنٹس پر ہوا۔

اس سے قبل رواں سال جولائی میں 100 انڈیکس 39 ہزار ہوا تھا لیکن آج رجسٹر ہوئی انڈیکس کی کم ترین سطح جولائی سے بھی نیچے یعنی 39 ہزار 276 ہے۔

سٹاک مارکیٹ میں آج مجموعی طور پر 16 کروڑ   سے 60 لاکھ شیئرز کا کاروبار ہوا، شیئرز بازار کے کاروبار کی مالیت 4  ارب روپے سے زائد رہی۔

مارکیٹ کیپٹلائزیشن 58 ارب روپے کی کمی کے بعد کاروبار کےاختتام پر 6 ہزار 296 ارب روپے ہے۔