رہنما پاکستان تحریک انصاف (پی ٹی آئی) اور سابق وفاقی وزیر اطلاعات و نشریات فواد چودھری نے کہا ہے کہ ججز کس قانون کے تحت انتظامی معاملات میں مداخلت کر رہے ہیں، جج صاحبان کو 5 سال کیلئے لاء سکول بھیجنا چاہیے تاکہ قانون پڑھ سکیں۔
مائیکرو بلاگنگ ویب سائٹ ٹوئٹر پر جاری پیغام میں سابق وفاقی وزیر فواد چودھری نے کہا کہ پہلے لاہور ہائی کورٹ نے کہا کہ 10 بجے ریسٹورنٹس بند کر دیں، اب سکول کی چھٹیوں کا فیصلہ کرتے پھر رہے ہیں۔
فواد چودھری کا کہنا تھا کہ آخر کس قانون کے تحت جج انتظامی معاملے پر اپنی رائے کو قانون قرار دے سکتا ہے، ان جج صاحبان کو دوبارہ لاء سکول میں بھیجنا چاہیے تاکہ یہ پورے 5 سال قانون پڑھیں۔
پہلے لاہور ہائیکورٹ نے کہا کہ دس بجے ریسٹورنٹ بند کر دیں اب اسکول کی چھٹیوں کا فیصلہ کرتے پہر رہے ہیں ، آکر کس قانون کے تحت جج انتظامی معاملے پر اپنی رائے کو قانون قرار دے سکتا ہے؟ ان جج صاحبان کو دوبارہ لاء اسکول میں بھیجنا چاہئے اور پورے پانچ سالُ قانون پڑھیں https://t.co/03s0lWEXY6
— Ch Fawad Hussain (@fawadchaudhry) December 27, 2022
