انٹرنیشنل کرکٹ کونسل (آئی سی سی) نے ٹی ٹوئنٹی کرکٹر آف دی ایئر کے لیے نامزدگیوں کا اعلان کر دیا گیا۔
پاکستان کے محمد رضوان ٹی ٹوئنٹی کرکٹر آف دی ایئر کے لیے نامزد ہیں جبکہ اس فہرست میں انگلینڈ کے سیم کرن، بھارت کے سوریا کمار یادیو اور زمبابوے کے سکندر رضا بھی شامل ہیں۔
پاکستان کے وکٹ کیپر بیٹر محمد رضوان گزشتہ سال ٹی ٹوئنٹی پلیئر آف دی ایئر کا ایوراڈ جیت چکے ہیں، وہ مسلسل دوسری بار اس ایوارڈ کے نامزد کیے گئے ہیں۔
آئی سی سی ویمن ٹی ٹوئنٹی کرکٹر آف دی ایئر کے لیے پاکستان کی آل راؤنڈر ندا ڈار، بھارت کی سمریتی مندھنا، نیوزی لینڈ کی صوفی ڈیوائن اور آسٹریلیا کی تاہلیا میگرا بھی نامزد کی گئی ہیں۔
