پنجاب اسمبلی کی از خود تحلیل کے بعد نگران وزیر اعلیٰ کی تقرری کیلئے وزیراعلیٰ پرویز الہیٰ اور اپوزیشن لیڈر حمزہ شہباز کو مشاورت کرنی ہوگی۔
وزیراعلیٰ اور اپوزیشن لیڈر مشاورت سےنگران وزیر اعلیٰ کا تقرر کریں گے، وزیر اعلیٰ اور قائدحزب اختلاف مشاورت سے 3 دن میں نگران وزیراعلی کانام گورنر کو دیں گے اور اگر دونوں میں اتفاق رائے نہ ہوا تو معاملہ اسپیکر کے پاس جائےگا۔

اسپیکر حکومت اور اپوزیشن کے 6 ممبران پرمشمتل پارلیمانی کمیٹی تشکیل دیں گے، پارلیمانی کمیٹی 3 دن میں مشاورت سے نگران وزیراعلیٰ کیلئے ایک نام دےگی۔

پارلیمانی کمیٹی میں بھی اتفاق رائے نہ ہونے پر الیکشن کیمشن کو دو دو نام دیے جائیں گے اور الیکشن کمیشن 48 گھنٹے میں کسی ایک کو نگران وزیر اعلیٰ مقرر کردے گا۔