پاکستان کی ڈرامہ انڈسٹری کے مایہ ناز اداکار عدنان صدیقی نے اداکاری چھوڑنے کا فیصلہ کرنے کیلئے اپنے چاہنے والوں سے مشورہ مانگا ہے، فہد مصطفی بھی ان کے پیچھے چل پڑے ہیں۔
عدنان صدیقی نے چند روز قبل ایک ٹوئٹ کی جس میں ان کا کہنا تھا کہ میں بھی ایلون مسک کی طرح اپنا موجودہ شعبہ یعنی اداکاری چھوڑ کر کسی اور شعبے میں کام کرنا چاہتا ہوں، انہوں نے اپنے فینز سے سوال کیا کہ مجھے اس کے متعلق مشورہ دیں کہ میں کیا کروں؟
Inspired by Elon Musk, I am also thinking of quitting acting and taking up something else as profession. Suggestions?
— Adnan Siddiqui (@adnanactor) December 17, 2021
عدنان صدیقی کی ٹوئٹ نے صارفین کو حیرت میں ڈال دیا، لیکن کچھ افراد نے انہیں اداکری نہ چھوڑنے کا مشورہ دیا، اور کچھ نے دوسرے کاروبار کے متعلق مشورے دئیے۔
عدنان صدیقی کی ٹوئٹ پر اداکار و میزبان فہد مصطفی نے بھی اپنا ردعمل ظاہر کیا اور کہا کہ میں بھی آپ کے ساتھ ہوں۔
I am with you @adnanactor bhai 👍 https://t.co/rqKyVfEYr0
— Fahad Mustafa (@fahadmustafa26) December 17, 2021
یہاں یہ بات قابل ذکر ہے کہ دونوں اداکاروں نے شوبز انڈسٹری چھوڑنے یا نہ چھوڑنے کے متعلق کسی واضح فیصلے کا اعلان نہیں کیا۔
واضح رہے کہ عدنان صدیقی پاکستان ڈرامہ انڈسٹری کے علاوہ بالی وڈ میں بھی کام کر چکے ہیں، جبکہ فہد مصطفی بھی متعدد پاکستانی ڈراموں اور فلموں میں اداکاری کے علاوہ ٹی وی شو کی میزبانی بھی کر رہے ہیں۔
یاد رہے کہ ایلون مسک امریکی کمپنی ٹیسلا کے مالک، اور دنیا کی امیر ترین شخصیت ہیں، انہوں نے بھی 10 دسمبر 2021ء کو ایک ایسا ہی ٹوئٹ کیا تھا، جس میں انہوں نے کہا تھا کہ میں اپنا حالیہ کاروبار چھوڑ کر انفلوئنسربننے کے بارے میں سوچ رہا ہوں۔
thinking of quitting my jobs & becoming an influencer full-time wdyt
— Elon Musk (@elonmusk) December 10, 2021
