عالمی ادارہ صحت کی جانب سے بھارت میں بنے ناقص کھانسی کے سیرپ پر تشویش کا اظہار کرتے ہوئے عراق میں بھارت سے سپلائی کی گئی دوا پر الرٹ جاری کر دیا گیا۔
عالمی ادارہ صحت کے مطابق بھارتی کمپنی کا کولڈ آؤٹ سیرپ زکام اور الرجی کے علاج کیلئے استعمال ہوتا ہے، بھارتی کمپنی کے عراق بھجوائے گئے سیرپ میں زہریلے اجزاء شامل ہیں جو موت کا سبب بن سکتے ہیں۔
عالمی ادارہ صحت کا کہنا تھا کہ بھارتی مینوفیکچرر اور مارکیٹرز نے مصنوعات کی حفاظت اور معیار کے بارے میں ڈبلیو ایچ او کو گارنٹی فراہم نہیں کی ہے۔
یاد رہے کہ بھارت میں بنائے جانے والے کھانسی کے شربت سے گزشتہ سال گیمبیا اور ازبکستان میں کم از کم 89 بچوں کی موت ہوگئی تھی جبکہ ایک کھانسی کا شربت کیمرون میں بھی بچوں کی اموات کا سبب بنا تھا۔
