بچپن کا پیار گانا گانے سے شہرت کی بلندیوں پر پہنچنے والا بچہ سہدیو درود روڈ ایکسیڈنٹ میں شدید زخمی ہو گیا ہے۔

بھارتی میڈیا کے مطابق 10 سالہ سہدیو کے ساتھ یہ حادثہ 28 دسمبر 2021ء کو بھارتی ریاست چھتیس گڑھ کے ضلع سکما میں پیش آیا ،جب وہ اپنے والد کے ساتھ موٹر سائیکل پر اپنے گاؤں جارہا تھا۔ رپورٹس کے مطابق موٹر سائیکل کے توازن بگڑنے سے سہدیو نیچے گر گیا، اور ہیلمٹ نہ پہننے کے باعث اس کے سر پر شدید چوٹیں آئی ہیں۔

حادثے کے بعد سہدیو کو فوری طور پر مقامی ہسپتال منتقل کیا گیا، جہاں اس کا علاج ابھی تک جاری ہے، اور اسے مسلسل ڈاکٹرز کی زیرنگرانی میں رکھا گیا ہے۔

یادرہے کہ سہدیو دردو کی ایک ویڈیو سوشل میڈیا پر وائرل ہوئی تھی جس میں وہ بچپن کا پیار گانا گارہا  ہوتاہے، اس ویڈیو نے سہدیو کو راتوں رات مشہور کردیا تھا، یہاں تک کہ معروف گلوکار بادشاہ بھی سہدیو کے گانا گانے کے انداز سے بہت متاثر ہوگئے تھے، جس کے بعد انہوں نے سہدیو کے ساتھ مل کر یہی  گانا ایک نئے انداز میں ریلیز کیا تھا جسے لوگوں نے بے حد پسند کیا، اور دیکھتے ہی دیکھتے سہدیو شہرت کی بلندیوں پر پہنچ گیا۔