بالی وڈ کی اداکارہ زرین خان کی ایک ویڈیو وائرل ہو رہی ہے جس میں ان کا کہنا تھا کہ جب خدا کے پاس جائیں گے تو آپ اپنے لیے جوابدہ ہوں گے اور میں اپنے لیے۔
زرین خان ویڈیو میں اپنے مداحوں کو بتا رہی ہے کہ میں مسلمان ہوں اس لیے شاید لوگ مجھے زیادہ نشانہ بناتے ہیں اور کہتے ہیں کہ یہ ایسا کررہی ہے۔
زرین خان نے کہا کہ میں نے قرآن شریف دو مرتبہ مکمل پڑھا ہے، اپنا اسلام بہت اچھی طرح سے جانتی ہوں۔
اداکارہ نے مزید کہا کہ اسلام میں یہ بھی ہے کہ کسی پر دباؤ ڈال کر کوئی چیز سکھا نہیں سکتے، جب خدا کے پاس جائیں گے تو آپ اپنے لیے جوابدہ ہوں گے اور میں اپنے لیے، تو کیا ضرورت ہے کسی کو کچھ سکھانے کی۔
