آج اسلام آباد ہائیکورٹ پیشی کے بعد پریس کانفرنس کرتے ہوئے مسلم لیگ ن کی نائب صدر مریم نواز کا کہنا تھا کہ جو شخص جادو ٹونے سے حکومتی معاملات چلاتا ہو اور ملکی سلامتی سے جڑی اہم ترین تقرریاں جادو ٹونے سے کرتا ہو، وزیر اعظم کی جگہ یہ اہم ترین تقرریاں جنات کرتے ہوں، ان کی ٹائمنگ وہ طے کرتے ہوں تو ایسے حالات میں دنیا کے سامنے تماشہ بننا کوئی حیرت کی بات نہیں۔پتا نہیں یہ جنات عوام کی فلاح کیلئے استعمال کیوں نہیں ہوتے اور صرف اہم تقرریوں کے وقت ہی کیوں ظاہر ہوتے ہیں، جنتر منتر اور جنات کے ذریعے آٹا، چینی اور دیگر اشیائے ضروریہ سستی کیوں نہیں کی جاتیں؟
جو شخص ملک کی اہم ترین تقرریاں جادو ٹونے سے کرتا ہو بجائے وزیراعظم کے جنات تقرریاں کرتے ہوں تو پھر اس ملک کا دنیا میں تماشہ بننا کوئی حیرانگی کی بات نہیں ہے اگر انکا جادو ٹونا اتنا ہی کامیاب ہے تو وہ عوام کی بھلائی کیلیے کیوں استعمال نہیں ہوتا@MaryamNSharif pic.twitter.com/2mlafoQ1z1
— PML(N) (@pmln_org) October 13, 2021
انہوں نے کہا کہ آئین پاکستان جو اختیارات ایک منتخب وزیر اعظم کو دیتا ہے اس پر کوئی دو رائے نہیں ہیں، لیکن عمران خان آئینی وزیر اعظم نہیں ہیں کیونکہ انہوں نے نواز شریف کے مینڈیٹ پر ڈاکا ڈالا ہے۔ ڈی جی آئی ایس آئی کی تقرری کے متعلق ان کا کہنا تھا کہ ملک کا تماشا بن چکا ہے، آپ ایک شخص کو رکھنا چاہتے ہیں کیونکہ وہ آپ کی حکومت چلاتا ہے، وہ آپ کے مخالفین کو اکھاڑ بچھاڑ دیتا ہے، اب حکومت کو بھی ووٹ کو عزت دو یاد آگیا ہے، آپ کو نواز شریف بننے کی کوشش نہیں کرنی چاہیے کیونکہ وہ ایک آئینی وزیر اعظم تھے۔ عمران خان سے پوچھنا چاہتی ہوں کہ آپ کی سیاسی پہچان کیا ہے؟ عمران کی سیاسی پہچان صرف منتخب حکومت کے خلاف سازش کرنا اور 126 دن کا دھرنا دینا ہے۔
آپکو نوازشریف بننے کی کوشش بھی نہیں کرنی چاہیے نوازشریف جب ووٹ کو عزت دو کا نعرہ لیکر میدان میں آیا تھا تو وہ منتخب وزیراعظم تھا وہ آئینی وزیراعظم تھا وہ عوام کے ووٹ سے آیا تھا وہ ایک لمبی جدوجہد کرکے آیا تھا جو اسکی ذات کیلیے نہیں تھی@MaryamNSharif pic.twitter.com/d0MGoFD5wR
— PML(N) (@pmln_org) October 13, 2021
مزید کہا کہ آپکی جو پوری سیاسی جدوجہد ہے پچھلے آٹھ دس سال کی وہ جمہوریت کے خلاف سازش سے عبارت ہے، اگر آپکو لگتا ہے کہ آپ بدترین نالائقی نااہلی کرپشن اسکینڈلز کے بعد یہ اپنی فیس سیونگ نظر آرہی ہے کہ آپ سیاسی شہید بن جائیں گے تو نہ یہ ہوگا اور نہ عوام یہ ہونے دے گی نہ ہم یہ ہونے دیں گے۔
آپکی جو پوری سیاسی جدوجہد ہے پچھلے آٹھ دس سال کی وہ جمہوریت کے خلاف سازش سے عبارت ہے اگر آپکو لگتا ہے کہ آپ بدترین نالائقی نااہلی کرپشن اسکینڈلز کے بعد یہ اپنی فیس سیونگ نظر آرہی ہے کہ آپ سیاسی شہید بن جائیں گے تو نہ یہ ہوگا اور نہ عوام یہ ہونے دے گی نہ ہم یہ ہونے دینگے pic.twitter.com/F7w9eZaLV7
— PML(N) (@pmln_org) October 13, 2021
وزیراعظم عمران خان کو مزیدتنقیدکا نشانہ بناتے ہوئے ان کا کہنا تھا کہ عمران خان آئینی اور منتخب وزیراعظم نہیں ہے وہ آئین کو روند کے آیا ہے اسکو وہ جواب پہلے دینا پڑے گا،مسلم لیگ ن عوام کے ساتھ ملکر یہ جدوجہد کرنا چاہتی ہے آئندہ کوئی شخص عمران خان کی طرح مہرہ بن کے سامنے نہ آئے۔
عمران خان آئینی اور منتخب وزیراعظم نہیں ہے وہ آئین کو روند کے آیا ہے اسکو وہ جواب پہلے دینا پڑے گا.مسلم لیگ ن عوام کے ساتھ ملکر یہ جدوجہد کرنا چاہتی ہے آئندہ کوئی شخص عمران خان کی طرح مہرہ بن کے سامنے نہ آئے.@MaryamNSharif pic.twitter.com/4OuZUdWEPH
— PML(N) (@pmln_org) October 13, 2021
