گذشتہ 24 گھنٹوں کے دوران ملک بھر کے مختلف شہروں میں کورونا کے مثبت کیسز کی شرح میں کراچی سب سے پہلے نمبر پر رہا، جبکہ لاہور کا دوسرا نمبر ہے۔
حکومت کی جانب سے جاری کئے گئے اعدادوشمار کے مطابق گذشتہ 24 گھنٹوں کے دوران کراچی میں کورونا کے مثبت کیسز کی شرح سب سے زیادہ 15.52 فیصد ریکارڈ کی گئی، اس کے بعد لاہور میں یہ شرح 7.53 فیصد رہی جب کہ تیسرے نمبر پر گلگت بلتستان میں مثبت کیسز کی شرح 6.67 فیصد ریکارڈ کی گئی۔ پشاور میں کورونا کے مثبت کیسز کی شرح 3.51، میرپور آزاد کشمیر 3.23، حیدرآباد 3.18، اسلام آباد 2.99، بہاولپور 2.69، راولپنڈی 2.44 جبکہ گوجرانوالہ میں کورونا کے مثبت کیسز کی شرح 2.25 فیصد ریکارڈ کی گئی۔
حکومتی اعدادوشمار کے مطابق گزشتہ 24 گھنٹوں کے دوران ملک بھر میں کورونا کے 45002 ٹیسٹ کئے گئے، جن میں سے 1649 افراد میں کورونا وائرس کی تصدیق ہوئی جبکہ کورونا کے باعث مزید 3 افراد انتقال کر گئے، ملک بھر میں کورونا کے مثبت کیسز کی شرح 3.66 فیصد رہی۔
Statistics 10 Jan 22:
Total Tests in Last 24 Hours: 45,002
Positive Cases: 1649
Positivity %: 3.66%
Deaths :3
Patients on Critical Care: 617— NCOC (@OfficialNcoc) January 10, 2022
این سی او سی کے اعداد و شمار کے مطابق ملک بھر میں کورونا سے اب تک ہونے والی اموات کی تعداد 28972 ہو چکی ہے جبکہ کورونا سے متاثرہ افراد کی تعداد 13 لاکھ 5 ہزار 707 تک پہنچ چکی ہے۔
علاوہ ازیں گزشتہ 24 گھنٹوں کے دوران 330 افراد کورونا سے صحتیاب ہوئے، جس کے بعد ملک میں وبا سے شفایاب ہونے والے افراد کی تعداد 12 لاکھ 58 ہزار 987 ہو گئی ہے۔
