ریحام خان روزویلٹ ہوٹل کی فروخت کے دوران ذلفی بخاری پر فائدہ اٹھانے کے الزامات کا دفاع نہ کر سکیں، ریحام خان نے 6 اور 7 دسمبر 2019ء کو اپنے یوٹیوب چینل کی ویڈیو میں ذلفی بخاری پر الزام عائد کیا تھا کہ نیویارک میں موجود روزویلٹ ہوٹل کی فروخت میں انہوں نے فائدہ حاصل کیا ہے، اور ان پر کرپشن، اقربا پروری کے الزامات بھی لگائے،بعد ازاں یہ ویڈیوز ٹوئٹر اور فیس بک پر بھی شیئر کی گئیں۔ وزیراعظم کے سابق معاون خصوصی نے ان الزامات پر لندن ہائیکورٹ میں ہتک عزت کا کیس کیا، گو کہ کیس کے آغاز میں ہی ریحام خان معافی مانگنے پر رضا مند تھیں لیکن ذلفی بخاری نے عدالتی کیس کو منطقی انجام تک پہنچانے کا فیصلہ کیا۔
اب لندن ہائیکورٹ کا فیصلہ ذلفی بخاری کے حق میں آنے کے بعد ریحام خان نے تسلیم کیا ہے کہ ان کے الزامات جھوٹے تھے، مزید ان کا کہنا تھا کہ 15 مارچ 2020ء کو میں نے سید توقیر بخاری کا ایک اور ٹوئٹ اور ویڈیو ری ٹوئٹ کیا جس میں دعویٰ کیا گیا تھا کہ ذلفی بخاری نے ٹی وی پر جھوٹ بولا ہے اور لوگوں کو جعلی دستاویزات دکھائی ہیں اور یہ کہ ذلفی بخاری نے منی لانڈرنگ، دھوکہ دہی اور غیر قانونی طریقے سے پیسہ بنایا ہے، یہ الزامات بھی غلط تھے۔
ریحام خان نے ذلفی بخاری پر لگائے گئے تمام الزامات سے معافی مانگ لی ہے، اب انہیں عدالتی فیصلے کے بعد کیس پر ہونے والے تمام اخراجات ادا کرنے ہیں، جس کی انہوں نے حامی بھر لی ہے۔ کیس کے اخراجات کے طور پر ریحام خان کو 50 ہزارپاؤنڈ زادا کرنا ہوں گے۔
Zulfi Bukhari – An apology https://t.co/zsNqEoINFF pic.twitter.com/GVjvynbKJ3
— Reham Khan (@RehamKhan1) October 14, 2021
وزیراعظم کے سابق معاون خصوصی ذلفی بخاری کا کہنا تھا کہ سچ کی ہمیشہ جیت ہوتی ہے، ریحام خان نے نہ صرف جھوٹے الزامات پر معافی مانگی بلکہ وہ کیس کے اخراجات بھی ادا کریں گی، ہم فیک نیوز کے خلاف قانون و انصاف کا یہی معیار پاکستان میں لانا چاہتے ہیں، انہوں نے رنگ روڈ راولپنڈی کیس کا نام لئے بغیر کہا کہ اگلا ہدف کمشنر راولپنڈی ہیں۔
TRUTH ALWAYS WINS!
Upon court orders,Reham Khan publicly apologises&pays damages for her lies.
IA 1 day we’ll have the same law&justice so certain media persons spreading lies&fake news can be taken to task.This is the result when rule of law is supreme
Next stop:Commissioner Rwp pic.twitter.com/xEKa1YZaQc— Sayed Z Bukhari (@sayedzbukhari) October 15, 2021
لندن ہائی کورٹ کے فیصلے پر ردعمل میں وفاقی وزیر اطلاعات فواد چوہدری کا کہنا تھا کہ برطانوی عدالتوں نے ریحام خان پرذلفی بخاری پر جھوٹےالزامات پر ہرجانے اور معافی مانگنے کا حکم دیا، اس طرح کا قانونی نظام پاکستان میں لانے کی کوشش کو آزادی اظہار کے خلاف کہہ کر میڈیا مالکان مہم شروع کر دیتے ہیں، بہرحال ریحام کا جھوٹا ہونا ایک بار پھر ثابت ہوا دراصل وہ عادی جھوٹی ہے۔
برطانوی عدالتوں نے ریحام خان پر زلفی بخاری پر جھوٹےالزامات پر ہرجانے اور معافی مانگنے کا حکم دیا، اس طرح کا قانونی نظام پاکستان میں لانے کی کوشش کو آزادی اظہار کے خلاف کہ کر میڈیا مالکان مہم شروع کر دیتے ہیں، بہرحال ریحام کا جھوٹا ہونا ایک بار پھر ثابت ہوا دراصل وہ عادی جھوٹی ہے pic.twitter.com/D3voVXaC6e
— Ch Fawad Hussain (@fawadchaudhry) October 15, 2021
