پاکستان کے وکٹ کیپر بیٹر محمد رضوان کے لیے چیئرمین پاکستان کرکٹ بورڈ رمیز راجا نے خصوصی پیغام جاری کیا ہے۔
رمیز راجا نے اپنی ٹوئٹ میں محمد رضوان کو پاکستان کا نام فخر سے بلند کرنے پر مبارکباد دی، ساتھ ہی انہوں نے لکھا کہ آپ اس کامیابی کے مستحق تھے۔چیئرمین پی سی بی نے کرکٹر کے لیے لکھا کہ آپ کی عاجزی، رویہ اور محنت آپ کی خاصیت ہے۔
رمیز راجا نے رضوان کے لیے مستقبل میں مزید کامیابی اور اعزازات کے لیے دعا بھی کی۔
Many congratulations @iMRizwanPak Well deserved achievement. Your humility, attitude and hard work defines you. Wishing you more laurels and success.
— Ramiz Raja (@iramizraja) January 23, 2022
محمد رضوان نے مائیکرو بلاگنگ سائٹ ٹوئٹر پر جاری کیے گئے پیغام میں کہا کہ ’الحمداللّٰہ! ہر کام بس اللّٰہ کی اجازت سے ہوتا ہے۔
اُنہوں نے کہا کہ میں سب کی حمایت اور محبت کے لیے شکر گزار ہوں۔قومی کرکٹر نے کہا کہ ان شاء اللّٰہ! ابھی سفر شروع ہوا ہے۔محمد رضوان نے مزید کہا کہ یہ ایوارڈ پاکستان اور اس کے خوبصورت لوگوں کے نام ہے۔
خیال رہے کہ آئی سی سی نے محمد رضوان کو گزشتہ سال 1326 ٹی ٹوئنٹی انٹرنیشنل رنز بنانے پر سال کا بہترین کھلاڑی قرار دیا ہے۔
Alhumdulillah.
Bus Allah se hota hai
Allah k ghair se nahi hota.I am grateful to everyone for their support and love. In sha Allah, the journey has just started. This award is dedicated to Pakistan and the beautiful people of Pakistan. #PakistanZindabad https://t.co/RrMYw9YaAN
— Mohammad Rizwan (@iMRizwanPak) January 23, 2022
