پی ایس ایل 7 کے آفیشل ترانے میں بہترین کردار پر عاطف اسلم نے اپنی اہلیہ کی تعریف کی ہے۔
عاطف اسلم نے پاکستان سپر لیگ کے ساتویں ایڈیشن کے آفیشل ترانے کیلئے فیشن ایبل لباس پہنانے پر اہلیہ سارا بھروانا کا شکریہ ادا کرتے ہوئے انہیں خوبصورت ترین بیوی قرار دیا ہے۔
عاطف اسلم نے آگے دیکھ گانے کی تصاویر انسٹاگرام پر شیئر کرتے ہوئے مداحوں کو بتایا کہ پی ایس ایل ترانے کے دوران زیب تن کئے گئے لباس کا انتخاب ان کی اہلیہ نے کیا تھا۔انہوں نے کہا کہ مجھے معلوم ہے کہ سارہ کا فیشن سینس انتہائی لاجواب ہے، مذاقاً لکھا کہ انکی اہلیہ کی جانب سے ان سے شادی کرنے کے انتخاب کے علاوہ تمام فیشن سینس لاجواب رہا ہے۔
یاد رہے کہ پی ایس ایل 7 کے ترانے میں عاطف اسلم کی گلوکاری کے ساتھ الگ قسم کی ڈریسنگ کو بھی بہت سراہا گیا تھا۔
عاطف اسلم اور آئمہ بیگ کی آواز میں پی ایس ایل 7 کا آفیشل ترانہ 24 جنوری کو ریلیز کیا گیا تھا، جسے اب تک یوٹیوب پر 30 لاکھ سے زائد صارفین دیکھ چکے ہیں۔
