بھارتی کمپنی نے کپڑوں کے اشتہار میں اردو زبان کا استعمال کیا تھا جس پر بھارتی ہندو انتہا پسند وں کی کمپنی کو دھمکیاں اور آن لائن بائیکاٹ کی مہم شروع کردی۔
بھارتی کمپنی فیب انڈیا نے انتہاپسندوں کی ناراضی اور دھمکیوں کے بعد کپڑوں کے اشتہار میں اردو زبان کے استعمال پر معذرت کرتے ہوئے اشتہار کو واپس لے لیا۔تفصیلات کے مطابق بھارت کی مشہور کمپنی فیب انڈیا نےکچھ دن قبل کپڑوں کا ایک اشتہار جاری کیا تھا، جس میں ہندو رسم و رواج کو دکھایا گیا تھا لیکن تشہیری مہم کو اردو میں نام دیا گیا، جس پر بھارتی ہندو انتہا پسند وں نے کمپنی کو دھمکیاں دینا شروع کر دیں ۔کمپنی نے نئے کپڑے متعارف کراتے ہوئے تشہری مہم کو جشن رواج کا نام دیا مگر اشتہار میں ہندو مذہبی دن دیوالی سمیت دیگر ہندو روایتیں دکھائی گئی تھیں۔
Progressive message to encourage #Parity
Why only daughters are given away?
Same tradition but with different idea🤘🏼#Kanyamaan not #Kanyadaan 🥰 pic.twitter.com/xgdCt9Jvq7— Anupama (@Anupama151989) September 20, 2021
اشتہار میں پاکستان کی قومی زبان اردو کے استعمال ہونے پر لوگوں نے اعتراض کیا اور کمپنی کے خلاف آن لائن بائیکاٹ کی مہم شروع کردی۔ کمپنی کے بائیکاٹ کا ہیش ٹیگ چلایا اور کمپنی پر ہندو مذہب کو ختم کرنے جیسے الزامات بھی لگائے گے ۔
لوگوں کی دھمکیوں کے بعد کمپنی نے جاری کیا گیا اشتہار واپس لیتے ہوئے لوگوں سے معذرت بھی کی اور ساتھ ہی کہا کہ دیوالی کے لیے الگ سے اشتہار جاری کیا جائے گا۔
