بھارت نے انگلینڈ کو شکست دیکر پانچویں مرتبہ انڈر 19 ورلڈکپ جیت لیا۔
تفصیلات کے مطابق بھارت نے انگلینڈ کو 4 وکٹوں سے شکست دے کر انڈر 19 کرکٹ ورلڈ کپ کا فائنل جیت لیا۔
نارتھ ساؤنڈ کے سر ویوین رچرڈز گراؤنڈ میں کھیلے جانے والے انڈر 19 ورلڈکپ میں ٹاس جیت کر پہلے بیٹنگ کرنے کا فیصلہ انگلینڈ کے لیے ڈراؤنا خواب ثابت ہوا۔
اننگز کے آغاز میں وکٹوں کے گرنے کا سلسلہ شروع ہوا جو اننگز کے خاتمے تک جاری رہا۔ انگلش سائیڈ کے 6 کھلاڑی ڈبل فیگرز میں بھی شامل ہونے سے قاصر رہے۔
Good Morning, India 👋
You are #U19CWC champions 🏆 pic.twitter.com/8FcTdyUCtJ
— ICC (@ICC) February 6, 2022
جیمز ریو کی 95 رنز کی اننگ نے ٹیم کا ٹوٹل 189 تک پہنچانے میں اہم کردار ادا کیا۔ کپتان ٹام پریسٹ صفرپر اپنی وکٹ گنوا بیٹھے۔ تاہم، جیمز سیلز کے ناقابل شکست 34 رنز بھی ٹیم کے مجموعی اسکور میں اضافے کا باعث بنے۔
بھارتی گیند بازوں کی نپی تلی گیند بازی نے انگلش سائیڈ کو اننگز میں رنز کے لیے ترسا کررکھا۔ راج باوا نے 9.5 اوورز میں 31 رنز دے کر 5 وکٹیں حاصل کیں جبکہ روی کمار نے 34 رنز کے عوض 4 وکٹیں اپنے نام کیں۔
دوسری جانب، بھارتی بیٹنگ لائن اپ اننگز کی شروعات میں ڈگمگا کر سنبھل گئی۔ 37 رنز پر 3 وکٹیں کھونے کے بعد نشانت سندھو اور راج باوا نے ٹیم کو سنبھالا 97 رنز پر 4 وکٹیں گنوانے کے بعد ٹیم کو اچھی شراکت داری قائم کر کے دی۔
انگلینڈ کی جانب سے بائیڈن، سیلز، ایسپن وال 2،2 وکٹیں لینے میں کامیاب ہوئے۔
