اس ٹورنامنٹ میں دفاعی چیمپئن ملتان سلطانز فی الحال ناقابل شکست ہے اور کامیابیوں کا سلسلہ جاری رکھے ہوئے ہے تاہم آپ کو جان کر بہت حیرت ہو گی کہ ملتان سلطانز کے اصل مالک جہانگیر ترین یا ان کے بیٹے علی ترین نہیں ہیں۔
ٹوئٹر پر علی ترین نے صارف کے سوال کا جواب دیتے ہوئے ملتان سلطانز کی ٹیم کے مالک کا نام بتایا۔علی ترین سے ٹوئٹر صارف نے سوال کیا کہ ملتان سلطانز کی ٹیم کا مالک کون ہے؟
علی ترین نے بتایا کہ میرے چاچا عالمگیر ترین ملتان سلطانز کے مالک ہیں۔جس پر ایک صارف نے کراچی کنگز کی مسلسل شکست پر افسردہ ہوکر علی ترین سے مزید سوال کیا کہ کیا آپ کے کوئی دوسرے چاچا ہیں جو کراچی کنگز کو لے سکیں ؟
My chacha, Alamgir Tareen https://t.co/RL0OD9oUbh
— Ali Khan Tareen (@aliktareen) February 7, 2022
علی ترین نے اس سوال کا جواب دینے کے بجائے ہنستا ہوا ایموجی شیئر کیا۔خیال رہے کہ اس سے قبل عالمگیر ترین اور علی ترین مشترکہ طور پر ٹیم ملتان سلطان کے مالک تھے۔
