پی ٹی آئی کے رکن قومی اسمبلی عامر لیاقت کی تیسری بیوی دانیہ شاہ نے انہیں چوتھی شادی کی بھی اجازت دے دی ہے۔
عامر لیاقت اور ان کی اہلیہ نے نجی ٹی وی کے شو میں شرکت کی جہاں انہوں نے مختلف سوالوں کے کھل کر جوابات دئیے۔
انٹرویو میں عامر لیاقت نے بتایا کہ دانیہ نے مجھے یہاں تک کہہ دیا ہے کہ آپ مجھے مل گئے ہیں، اب آپ بیشک جس سے مرضی شادی کر لیں، مجھے کوئی فرق نہیں پڑتا۔
اس موقع پر عامر لیاقت کی اہلیہ دانیہ شاہ نے اس بات کی تصدیق کرتے ہوئے کہا کہ میں نے انہیں چوتھی شادی کی اجازت دے دی ہے۔ انہوں نے کہا کہ یہ میرا حق نہیں ہے کہ میں انہیں روکوں، ان کی اپنی مرضی ہے، یہ شادی کریں یا نہ کریں۔
View this post on Instagram
دانیہ شاہ کا کہنا تھا کہ اگر میں انہیں محبت دوں گی تو یہ میری طرف ہی رہیں گے، اگر محبت نہ دی تو یہ اور شادی کرلیں گے جس پر مجھے اعتراض نہیں ہو گا۔
اس پر میزبان نے ڈاکٹر عامر لیاقت سے پوچھا کہ اس پر آپ کیا کہنا چاہیں گے، تو عامر لیاقت نے جواب دیا کہ بیٹسمین ایسا ہی ہونا چاہیے۔
یاد رہے کہ ڈاکٹر عامر لیاقت نے لودھراں سے تعلق رکھنے والی 18 سالہ سیدہ دانیہ شاہ سے دو روز قبل نکاح کر لیا تھا، اور یہ ان کی تیسری شادی ہے۔
