منشیات کیس میں  شاہ رخ خان کے بیٹے آریان خان گرفتار ہیں ان  نے ہائیکورٹ میں واٹس ایپ چیٹ سے متعلق وضاحت پیش کردی۔

آریان کے وکلا نے خصوصی عدالت کی جانب سے ضمانت  مسترد ہونے بعد ہائیکورٹ میں اپیل دائر کی ہے۔آریان خان نے اپنی دائر درخواست میں مؤقف اختیار کیا ہےکہ تفتیشی افسر کی جانب سے ان کی واٹس ایپ چیٹس جس طرح پیش کی گئی ہیں وہ بالکل جھوٹ  پر مبنی ہے، این سی بی نے ایسا اس لیے کیا تاکہ وہ مجھے اس منشیات کیس میں ملوث ٹھہرایا جاسکے۔

انہوں نے اپیل میں مزید کہا کہ این سی بی نے جن واٹس ایپ چیٹس کو بنیاد بنایا وہ دراصل پرانی چیٹ ہے، کسی بھی طرح ان مبینہ واٹس ایپ چیٹس کو کسی کیس سے نہیں جوڑا جا سکتا ۔ خیال رہے کہ 20 اکتوبر کو ہونے والی ضمانت کی درخواست کی سماعت پر این سی بی کی جانب سے عدالت میں آریان اور اداکارہ اننیا پانڈے کی واٹس ایپ چیٹ پیش کی گئی تھی جس میں ان دونوں نے منشیات سے متعلق گفتگو کی تھی۔ جب اننیا سے واٹس ایپ چیٹ  کے بارے  میں پوچھا گیا تو اداکارہ کا کہنا تھا کہ وہ یہ مذاق کررہی تھیں۔