آسٹریلوی کرکٹ  ٹیم 24 سال کے بعد خصوصی طیارے سے اسلام آباد پہنچ گئی۔

پاک آسٹریلیا کرکٹ سیریز کے لیے آسٹریلوی ٹیم خصوصی طیارے سے اسلام آباد پہنچی۔مہمان ٹیم دو روز بائیوسیکیورببل میں رہے گی۔آسٹریلوی ٹیم ہوٹل میں دو روز تک بائیو سیکیور ببل میں رہے گی، بائیو سیکیور ببل کے بعد آسٹریلوی ٹیم کے کورونا ٹیسٹ کیے جائیں گے، کورونا ٹیسٹ منفی آنے پر کھلاڑیوں کو پریکٹس کی اجازت ہوگی۔آسٹریلیا کی کرکٹ ٹیم 27 فروری سے 6 اپریل تک پاکستان کا دورہ کررہی ہے، تاریخی دورہ کا آغاز تین میچز پر مشتمل ٹیسٹ سیریز سے ہوگا، پہلا ٹیسٹ میچ 4 مارچ سے راولپنڈی میں کھیلا جائیگا۔مہمان ٹیم دورے کے دوران تین ون ڈے اور ایک ٹی ٹوئنٹی میچ بھی کھیلے گی۔آسٹریلیا کے کپتان پیٹ کمنز آج 10 بجے آن لائن پریس کانفرنس بھی کریں گے۔

دوسری جانب قومی ٹیسٹ اسکواڈ کے ارکان کا آج آئسولیشن میں آخری روز ہے۔ آج سے شروع ہونے والے ٹریننگ سیشن میں کپتان بابر اعظم، سرفراز احمد اور نسیم شاہ  شامل ہوں گے۔پاکستان اور آسٹریلیا کے درمیان پہلا ٹیسٹ چارمارچ سے راولپنڈی اسٹیڈیم میں کھیلا جائےگا۔

ٹیسٹ سیریز سے پہلے آسڑیلوی کھلاڑیوں کے کورونا ٹیسٹ ہوں گے۔ ٹیسٹ منفی آنے پر پریکٹس کی اجازت ملے گی ۔