پاکستان آسٹریلیا سیریز، پی سی بی کے مطابق کرکٹ ٹیموں کے آج ہونے والے پریکٹس سیشن منسوخ کردیئے گئے ہیں۔ آسٹریلوی کرکٹ ٹیم کا آج پریکٹس کا تیسرا روز تھا۔

راولپنڈی میں پاکستان اور آسٹریلیا کے پہلے ٹیسٹ میچ سے قبل بارش نے مداخلت کردی۔بارش کی وجہ سے پاکستان اور آسٹریلیا کے ٹیسٹ اسکواڈ کی تیاریاں متاثر ہوگئیں اور دونوں ٹیموں کا آج کا ٹریننگ سیشن منسوخ  کردیا گیا ہے۔

واضح رہے کہ پاکستان اور آسٹریلیا کے درمیان پہلا ٹیسٹ میچ کل یعنی 4 مارچ سے شروع ہونا ہے۔آسٹریلوی ٹیم پیٹ کمنز کی قیادت میں 24 برس بعد 27 فروری کو پاکستان پہنچی تھی۔