منشیات کیس میں گرفتار شاہ رخ خان کے بیٹے آریان خان اور اداکارہ اننیا پانڈے کی ایک اور چیٹ لیک ہوگئی ہے۔

اس بار میڈیا کے سامنے آنے والی والی نئی چیٹ میں بڑے بڑے انکشاف ہوٗے ہیں کہ اسٹار کڈز بھنگ سمیت دیگر منشیات کے کاروبار کا حصّہ رہے ہیں۔این سی بی حکام نے بتایا ہےکہ آریان کی ایک اور واٹس ایپ چیٹس سے معلوم ہوا ہے آریان نے ایک اچیت کمار سے 80،000 بھارتی روپے کی بھنگ منگوائی تھی ۔آریان خان کے فون سے برآمد ہونے والے واٹس ایپ ڈیٹا میں دو اور افراد کے ساتھ بھی گروپ چیٹ میں منشیات کے بارے میں گفتگو سامنے آئی ہے۔ان چیٹس میں آریان خان اور اننیا پانڈے نے مبینہ طور پر منشیات کے بارے میں بات کر رہے ہیں اور چیٹ میں بھنگ کا پوچھا جارہا ہے ۔

پہلی لیک چیٹ:

آریان خان: ویڈ

اننیا پانڈے: یہ آج کل ڈیمانڈ میں ہے۔

آریان: میں تم سے یہ رازداری سے لے لوں گا۔

اننیا: ٹھیک ہے۔

دوسری لیک چیٹ:

اننیا: اب میں اس کاروبار کا حصّہ ہوں۔

آریان: تم بھنگ لے آئی ہو؟

آریان: اننیا؟

اننیا: میں لا رہی ہوں۔

18مئی 2021 کو ہونے والی ایک اور چیٹ میں، آریان خان نے اپنے دو  دوستوں کے ساتھ کوکین کے بارے میں بات کی اور این سی بی کا مذاق اڑایا ہے۔آریان : چلو کل کوکین لیں گے۔اتنا کہنے کے بعد آریان نے اپنی واٹس ایپ چیٹ میں این سی بی کا مذاق اڑایا ۔ یاد رہےبھارت کے انسدادِ منشیات ادارے نارکوٹکس کنٹرول بیورو (این سی بی) کی جانب سے ممبئی کے ساحل پر 3 اکتوبر کو ایک کروز شپ پر پارٹی کے دوران چھاپہ مار کر شاہ رخ خان کے بیٹے آریان خان کو گرفتار کیا گیا تھا۔

خیال رہے کہ بھارتی اداکار شاہ رخ خان کے بیٹے آریان خان کی درخواستِ ضمانت پر آج ممبئی ہائی کورٹ میں سماعت ہوگی۔