آسٹریلوی ٹیم کے کپتان پیٹ کمنز نے اپنی تحریر میں  تاریخی دورے کے حوالے  سے خیالات کا اظہار کیا ہے۔

تفصیلات کے مطابق پیٹ کمنز نے ایک اخبار میں کچھ لمحات کے بارے میں لکھا۔پیٹ کمنز نے اپنی تحریر میں ٹریننگ سیشن کے دوران محسوس کیے جانے والے کچھ خوشگوار اور انوکھے لمحات کا بھی ذکر کیا۔

آسٹریلوی کپتان نے لکھا کہ منگل کے روز ٹریننگ کے دوران بہت خوشگوار لمحہ تھا جب پنڈی کے اسٹیڈیم میں دور دراز پہاڑوں سے اذان کی آواز گونجتی سنائی دی۔

پیٹ کمنز نے لکھا کہ اس کے بعد مجھے پتا چلا کہ اس سیریز کے دوران ہر جمعہ کو پہلا سیشن ڈھائی گھنٹے کا ہوگا جو ایک گھنٹہ نماز بریک پر مشتمل ہوگا کیوں کہ جمعہ ہفتے بھر کا مقدس دن ہے۔

آسٹریلوی کپتان نے مزید کہا کہ  اس دورے کے دوران ٹیم اسکواڈ ہر وقت کچھ نہ کچھ سیکھ رہا ہے۔پیٹ کمنز نے اپنی تحریر میں پاکستان میں ملنے والی بہترین سکیورٹی کی تعریف بھی کی۔