متحدہ عرب امارات نے 5 سے 11 سال تک کے بچوں کو فائزر اور بائیو این ٹیک لگانے کی منظوری دے دی ہے۔وزارت صحت کا کہنا ہے کہ بچوں کو ویکسین لگانے کی منظوری سخت کلینیکل ٹرائلز کے نتیجے کی بنیاد اور امریکی ڈرگ اتھارٹی کی منظوری کے بعد دی گئی ہے جس میں ویکسین کو بچوں کیلئے محفوظ قرار دیا گیا ہے۔ وزارت صحت کا مزید کہنا تھا کہ بچوں کی ویکسی نیشن کے ٹرائلز میں مثبت نتائج سامنے آئے تھے اور بچوں کی قوت مدافعت میں بھی اضافہ ہوا تھا۔