وزیراعظم عمران خان نے ٹی ٹونٹی ورلڈ کپ کے دوسرے سیمی فائنل میں آسٹریلیاء کے ہاتھوں شکست کے بعد قومی کرکٹ ٹیم کا حوصلہ بڑھاتے ہوئے انہیں بہترین کرکٹ کھیلنے پر داد دی ہے۔ وزیراعظم عمران خان کا کہنا تھا کہ ان لمحات میں مجھے آپ سب کے احساسات کا خوب ادراک ہے کیونکہ کرکٹ کے میدان میں مجھے بھی ایسی ہی مایوسیوں کا سامنا رہا۔ مگر جس معیار کاکھیل آپ نے پیش کیا اور جیت کےبعد جس نوعیت کی عاجزی آپ نے دکھائی اس پر آپ سب کو فخر ہونا چاہیے۔

اس کے ساتھ ہی انہوں نے جیت پر آسٹریلین کرکٹ ٹیم کو بھی مبارکباد پیش کی۔

بابر اعظم اور ٹیم کے نام: ان لمحات میں مجھے آپ سب کے احساسات کا خوب ادراک ہے کیونکہ کرکٹ کے میدان میں مجھے بھی ایسی ہی مایوسیوں کا سامنا رہا۔ مگر جس معیار کاکھیل آپ نے پیش کیا اور جیت کےبعد جس نوعیت کی عاجزی آپ نے دکھائی اس پر آپ سب کو فخر ہونا چاہئیے۔ ٹیم آسٹریلیا کو جیت مبارک!

— Imran Khan (@ImranKhanPTI) November 11, 2021