ون پلس کی جانب سے نارڈ سیریز کی ضمن میں کئی شاہکارمتعارف کروائے جاچکے ہیں جو نت نئے اور بہترین فیچر کی بدولت صارفین کی پزیرائی حاصل کرنے میں کامیاب رہے ہیں۔
اب کمپنی نے اسی روایت کو برقرار رکھتے ہوئے نارڈ سیریز کا ٹی ٹومڈ رینج فون متعارف کرادیا ہے حیرت انگیز طور پر یہ دنیا کا واحد فون ہوگا جس میں میڈیا ٹیک چپ میکر کمپنی کی ڈیمنسٹی 1300چپ پوگی۔ون پلس کی ’نارڈ‘ سیریز کو صارفین کی جانب سے کافی سراہا گیا ہے جبکہ موبائل میں صارفین کا سب سے پسندیدہ فیچر کیمراہوتا ہے یہی وجہ ہے کہ کمپنی نے صارفین کی پسندیدگی کو نظر میں رکھتے ہوئے ’نارڈ ٹی ٹو‘ میں تین بیک کیمرے اور ایک سیلفی کیمرا دیا ہے۔
ون پلس کے ٹی ٹوفون کے بیک پر 50 میگا پکسل کا مین کیمرا دیا گیا ہے جب کہ 8 میگا پکسل کا الٹرا وائڈ اور 2 میگا پکسل کا میکرو کیمرا بھی دیا گیا ہے۔
فون میں 32 میگا سیلفی کیمرا دیا گیا ہے اور اسے دو ماڈیولز یعنی 8 جی بی اور 12 جی بی ریم میں پیش کیا گیا ہے اور جہاں تک اس کی اسٹوریج کی بات ہے تو اس میں 128 سے 256 جی بی تک اضافہ کیا جاسکتا ہے۔اس شاندار فون کا سب سے اہم فیچرمیڈیا ٹیک کی ڈیمنسٹی 1300 چپ سے لیس ہونا ہےجبکہ موبائل میں اینڈرائیڈ 12 اور آکسیجن او ایس 12.1 کا آپریٹنگ سسٹم دیا گیا ہے۔
اوکٹا کور کے سی پی یو کے حامل موبائل کا اسکرین قدرے چھوٹا یعنی 6.43 رکھا گیا ہے جبکہ ڈسپلے کے اندر فنگر پرنٹ سینسر بھی موجود ہے۔ون پلس کے مطابق ’نارڈ ٹی ٹو‘ میں چارجنگ کوالٹی کوحیرت انگیز حد تک بہتر بنایا گیا ہے اور فون کو 80 والٹ چارجر کی مدد سے محض 25 منٹ کے اندر 100 فیصد چارج کیا جا سکتا ہے۔نارڈ ٹی ٹو‘ میں 4500 ایم اے ایچ کی بیٹری دی گئی ہے اور اسے تین مختلف رنگوں میں پیش کیا گیا ہے جنہیں صارفین کی جانب سے یقیناً پسند کیا جائے گا۔
ون پلس کے اس شاندارفون کو فوری طور پر یورپ اور امریکا میں فروخت کے لیے پیش کردیا گیا ہے، تاہم دیگر ممالک میں یہ صارفین کے لئے 24 مئی سے دستیاب ہوگا جبکہ ’نارڈ ٹی ٹو‘ کو پاکستان میں تقریبا 84 ہزار روپے میں خریدا جا سکے گا۔
