برطانوی کرکٹ بورڈ کی طرف سے دورہ پاکستان منسوخ کرنے کے فیصلے پر وزیراعظم بورس جانسن نے سخت ناراضگی کا اظہار کیا ہے۔تفصیلات کے مطابق حکومت نے انگلش کرکٹ بورڈ کو دورہ پاکستان شیڈول کے مطابق کرنے کی ہدایات دی تھیں، اب بورڈ کے فیصلے کی وجہ برطانوی حکومت کے سینئر وزراء کا کہنا ہے کہ اس فیصلے سے دونوں ممالک کے تعلقات متاثر ہوئے ہیں۔انگلش کرکٹ بورڈ کے فیصلے پر وزیراعظم بورس جانسن کے علاوہ اعلیٰ سطحی حکام نے بھی بورڈ کے ساتھ سخت تحفظات کا اظہار کیا ہے۔میڈیا رپورٹس کے مطابق بورڈ نے حکومتی اقدامات نظرانداز کرتے ہوئے پلیئرز یونین کے دباؤ میں آ کر یہ فیصلہ کیاہے تاکہ ایشز سیریز کے معاملے پر لڑائی سے بچا جائے۔

میڈیا رپورٹس کا یہ بھی کہنا تھا کہ دورہ پاکستان کیلئے مردو خواتین کی ٹیمز میں سے کسی کھلاڑی نے بھی بورڈ سے تحفظات کا اظہار نہیں کیا تھا۔انگلش کرکٹ بورڈ نے تمام کھلاڑیوں کو اندھیرے میں رکھا، کسی سے مشاورت نہیں کی اور یکطرفہ طور پر دورہ منسوخ کرنے کا فیصلہ کر لیا۔