پاکستان کے معروف اداکار مصطفیٰ قریشی کی اہلیہ اور سینئر گلوکارہ روبینہ قریشی کراچی میں انتقال کر گئیں۔

تفصیلات کے مطابق روبینہ قریشی کے انتقال کی تصدیق ان کے اہل خانہ نے کی، روبینہ قریشی  کی نمازِ جنازہ عصر کی نماز کے بعد عبداللہ شاہ غازی کے مزار پر ہوگی اور تدفین بھی وہیں ہوگی، روبینہ قریشی کی عمر 81 برس تھی اور وہ طویل عرصے سے کینسر میں مبتلا تھیں۔

روبینہ کا اصل نام عائشہ قریشی تھاوہ 1940ء میں حیدرآباد میں پیدا ہوئیں، انہوں نے سندھی کے علاوہ اردو، پنجابی اور سرائیکی گیت بھی گائے،روبینہ قریشی نے سندھ یونیورسٹی سے مسلم ہسٹری میں ماسٹرز کیا تھا، مصطفیٰ قریشی سے شادی کے بعد روبینہ قریشی 1970ء میں لاہور منتقل ہو گئیں۔