پاکستانی شوبز انڈسٹری کی معروف اداکارہ بشریٰ انصاری کی والدہ طبیعت ناساز ہونے کے سبب آئی سی یو میں داخل ہو گئی ہیں۔
سینئر اداکارہ بشریٰ انصاری نے یہ خبر اپنے مداحوں کے ساتھ سوشل میڈیا پلیٹ فارم انسٹاگرام پر شیئر کی، جس میں انہوں نے جہاز میں بیٹھے اپنی تصویر شیئر کرتے ہوئے بتایا کہ میں لاہور جا رہی ہوں، میری امی آئی سی یو میں ہیں، اللہ ان کی خیر کرے۔
بشریٰ انصاری کی اس پوسٹ پر مداحوں و فالوورز کی جانب سے ان کی والدہ کی صحتیابی کیلئے دعاؤں اور نیک تمناؤں کا اظہار کیا جا رہا ہے۔
واضح رہے کہ بشریٰ انصاری کی والدہ طویل عرصے سے علیل ہیں، اور ان کی نظر بھی جا چکی ہے، خرابی صحت کے باعث گھر کے 2 ملازمین ان کی دیکھ بھال پر معمور کئے گئے ہیں۔
