بالی وڈ فلم انڈسٹری کے معروف سینئر اداکار متھلیش چترویدی 67 سال کی عمر میں انتقال کرگئے۔

بھارتی میڈیا کے مطابق بالی ووڈ کی سپر ہٹ فلم کوئی مل گیا، اشوکا اور ریڈی سمیت کئی فلموں میں اداکاری کے جوہر دکھانے والے متھلیش چترویدی گزشتہ روز دل کا دورہ پڑنے سے انتقال کرگئے۔

متھلیش چترویدی کے داماد نے ان کی موت کی تصدیق کی، آنجہانی اداکار نے سال 1997ء میں فلم بھائی بھائی سے بالی ووڈ میں قدم رکھا اور پھر کئی سپرہٹ فلموں میں کام کر کے خوب نام کمایا۔

متھلیش چترویدی گزشتہ کئی دہائیوں تک فلموں میں ویلن کا کردار ادا کرتے نظر آئے علاوہ ازیں اداکار نے سال 2020ء میں آئی سیریز اسکیم 1992 سے ڈیجیٹل ڈیبیو بھی کیا تھا۔

 اداکار کے انتقال کی خبر کی تصدیق ان کے داماد آشیش نے کی، جنہوں نے فیس بک پر ایک  پوسٹ کے ذریعے  متھلیش کو خراج عقیدت بھی پیش کیا، ان  کی اچانک موت پر بالی وڈ اداکار و ہدایتکاروں نے افسوس کا اظہار کیا۔