لندن میں ایک کنسرٹ کے دوران سائیں ظہور اچانک اسٹیچ پر گر گئے جس کے بعد انہیں تشویش ناک حالت میں ایمبولینس کے ذریعے ہسپتال منتقل کر دیا گیا۔
ذرائع کے مطابق فوک گلوکار بہت زیادہ تھکاوٹ یا جسمانی مشقت کی وجہ سے بے ہوش ہوئے تاہم ان کا علاج جاری ہے، ڈاکٹرز کا کہنا ہے کہ امید ہے وہ جلد صحتیاب ہو جائیں گے۔
دوسری جانب پروگرام کے منتظمین کا کہنا ہے کہ سائیں ظہور مکمل طور پر فٹ اور صحت مند ہیں۔ وہ گزشتہ کئی دن سے لندن ٹور کے دوران پرفارم کر رہے تھے۔ شاید تھکاوٹ ہی ان کی بےہوشی کی وجہ بنی ہو۔ جس کے بعد شو کو بھی ہنگامی طورپر ختم کرنے کا اعلان کردیا گیاہے۔
