ایشیا کپ ٹی ٹوئنٹی ٹورنامنٹ میں پاکستان اور بھارت کی ٹیمیں دبئی انٹرنیشنل کرکٹ اسٹیڈیم میں مدمقابل ہیں۔
پاکستان کرکٹ ٹیم کے سابق کپتان شعیب ملک بھی پاک بھارت ٹاکرا دیکھنے کے لیے اسٹیڈیم پہنچ گئے۔
سوشل میڈیا پر وائرل ہونے والی تصاویر میں شعیب ملک قومی ٹیم کے فاسٹ بولر شاہین شاہ اور محمد وسیم جونیئر کے ہمراہ اسٹیڈیم میں دکھا ئی دیے۔
اس سے قبل فاسٹ بولر شاہین آفریدی پاک بھارت میچ دیکھنے کیلئے دبئی انٹرنیشنل کرکٹ اسٹیڈیم پہنچے تھے۔
شاہین آفریدی اور محمد وسیم جونیئر انجری کے باعث ایشیا کپ سے باہر ہیں لیکن قومی ٹیم کے ساتھ ہی دبئی میں موجود ہیں۔
