انسانوں کو چاند پر بھیجنے کا ناسا کا خلائی مشن آرٹیمس ون دوسری بار بھی ناکام ہوگیا۔
راکٹ سے مائع ہائیڈروجن ایندھن کے اخراج کے باعث لانچنگ کو ملتوی کیا گیا۔ لانچ سے صرف تین گھنٹے پہلے فیصلہ کیا گیا کہ مشن کو روانہ نہیں کیا جائے گا۔
ناسا عہدیداران کا کہنا ہے کہ اب کئی دنوں تک راکٹ کو بھیجا نہیں جاسکے گا کیونکہ 3 دن تو اسے لانچ پیڈ سے مرکزی عمارت تک لانے میں لگتے ہیں۔
مرکزی عمارت پہنچنے کے بعد ہی تمام تکنیکی خرابیوں کا جائزہ لے کر بحالی کا کام کیا جائے گا۔
امریکی خلائی ایجنسی ناسا کی جانب سے آپریشن موخر کرنے کا واقعہ رواں ہفتے میں دوسری بار ہوا ہے۔
اس سے قبل پیر کو ناسا نے انسان کو چاند پر بھجوانے کی تیاری کی لیکن آخری مراحل میں تکنیکی مسائل کی وجہ سے اسے مؤخر کرنا پڑا تھا۔
اس راکٹ سے کنٹرولرز ہائیڈروجن لیکیج کو روکنے میں ناکام رہے تھے۔ اب ناسا پیر یا منگل کو اس راکٹ کو دوبارہ لانچ کرنے کی کوشش کرے گا، تاہم اس لانچ میں مزید تاخیر کا بھی امکان ہے۔
