پاکستان تحریک انصاف (پی ٹی آئی) کے رہنما و سابق وفاقی وزیر اطلاعات فواد چوہدری نے ایشیا کپ ٹی ٹوئنٹی سپر فور مرحلے میں بھارت کے خلاف پاکستان کی فتح کا کریڈٹ تحریک انصاف کے جلسے کو دیا ہے۔
تفصیلات کے مطابق ٹوئٹر پر سینئر صحافی وسیم عباسی نے فواد چوہدری کو ٹیگ کرتے ہوئے سوال کیا کہ پاک بھارت کرکٹ میچ میں پاکستان کی جیت کس کی برکت سے ہوئی؟ اس کے جواب میں فواد چوہدری کا کہنا تھا یہ جیت فیصل آباد جلسے کے باعث ہوئی۔
فیصل آباد کے جلسے سے https://t.co/SzECxtZ0f0
— Ch Fawad Hussain (@fawadchaudhry) September 4, 2022
یاد رہے کہ متحدہ عرب امارات میں جاری ایشیا کپ ٹی ٹوئنٹی ٹورنامنٹ کے سپر فور مرحلے میں پاکستان نے دلچسپ مقابلے کے بعد بھارت کو آخری اوور میں 5 وکٹوں سے شکست دے کر گروپ میچ میں ہار کا حساب برابر کردیا۔
یاد رہے کہ اس سے قبل ایشیاء کپ ٹی ٹوئنٹی ٹورنامنٹ کے گروپ میچ میں بھارت نے پاکستان کو سنسنی خیز مقابلے کے بعد 5 وکٹوں سے شکست دی تھی جس کے بعد فواد چوہدری نے بھارت کے ہاتھوں قومی ٹیم کی شکست کا ذمہ دار وفاقی حکومت کو قرار دیتے ہوئے کہا تھا کہ ٹیم کا قصور نہیں امپورٹڈ حکومت ہی منحوس ہے۔
