آسٹریلیا میں شیڈول ٹی ٹوئنٹی ورلڈ کپ 2022 کے لیے قومی اسکواڈ کا اعلان کل ہوگا۔

پاکستان کرکٹ بورڈ (پی سی بی) کے مطابق  آئی سی سی مینز ٹی ٹوئنٹی ورلڈ کپ کے لیے اسکواڈ کا اعلان کل کیا جائے گا۔اس کے علاوہ انگلینڈ کے خلاف 7 ٹی ٹوئنٹی میچز اور نیوزی لینڈ میں کھیلی جانے والی سہ فریقی سیریز کے لیے اسکواڈز کا اعلان بھی کل کیا جائے گا۔چیف سلیکٹر محمد وسیم قذافی اسٹیڈیم  میں پریس کانفرنس کرکے ٹیم کا اعلان کریں گے۔

واضح رہے کہ آئی سی سی کی جانب سے ٹی ٹوئنٹی ورلڈ کپ کے لیے اسکواڈ کے اعلان کی ڈیڈ لائن 15 ستمبر رکھی گئی تھی۔