پاکستان جونیئر لیگ ( پی جے ایل) کے شیڈول کا اعلان کردیا گیا۔

تفصیلات کے مطابق پاکستان کرکٹ بورڈ ( پی سی بی) نے رواں برس پہلی پاکستان جونیئر لیگ کرانے کا فیصلہ کیا تھا جس کیلئے ٹیموں اور کھلاڑیوں کا انتخاب کرلیا گیا ہے۔

آئندہ ماہ شروع ہونے والی 6 ٹیموں پر مشتمل  اس لیگ میں غیر ملکی کھلاڑی بھی شرکت کر رہے ہیں جبکہ لیجنڈ کرکٹرز کو ٹیموں کا مینٹور بھی مقرر کیا گیا ہے، پاکستان کرکٹ بورڈ نے پاکستان جونیئر لیگ کے شیڈول کا بھی اعلان کردیا ہے جس کے مطابق جونیئر لیگ 6 اکتوبر سے شروع ہوگی اور اس کے تمام 19 میچز لاہور کے قذافی اسٹیڈیم میں کھیلے جائیں گے۔

 افتتاحی میچ گوجرانوالہ جائنٹس اور مردان واریئرز کے درمیان کھیلا جائے گا جبکہ لیگ کا فائنل 21 اکتوبر کو ہوگا۔