تحریک انصاف نے جہانگیر ترین گروپ کی بڑی وکٹیں گرا دی ہیں۔
تفصیلات کے مطابق تحریک انصاف کے ناراض رہنماء جہانگیر ترین کے دست راست مہر اشرف سیال نے ترین گروپ کو خیرآباد کہتے ہوئے واپس تحریک انصاف میں شمولیت اختیار کر لی ہے۔
مہر اشرف نے تحریک انصاف میں شمولیت کا اعلان لودھراں میں سابق رکن قومی اسمبلی میاں شفیق آرائیں، سابق رکن پنجاب اسمبلی پیر عامر اقبال شاہ اور کیپٹن ریٹائرڈ عزت جاوید کی موجودگی میں جلسہ عام کے دوران کیا۔
تحریک انصاف میں شمولیت کا اعلان کرتے ہوئے مہر اشرف نے عمران خان کی قیادت پر مکمل اعتماد کرتے ہوئے پی ٹی آئی کے منشور پر عملدرآمد کیلئے ہر ممکن تعاون کے عزم کا اظہار بھی کیا۔
Breaking News Lodhran!
Jahangir Tareen's close aid Mahar Ashraf Sial joined PTI at a gathering addressed by Ex MNA Mian Shafiq Arain, MPA Pir Aamir Iqbal Shah & Capt(r) Izat Jawaid. pic.twitter.com/7pofQU4vpS— PTI Politics. (@PTIPoliticsss) October 4, 2022
واضح رہے کہ مہر اشرف سیال کا شمار لودھراں کے بااثر سیاسی خاندانوں میں ہوتا ہے، اور یہ جہانگیر ترین کے قریبی ساتھیوں میں سے تھے۔
