کابل پر طالبان کے کنٹرول کے تقریباً ڈیڑھ سال بعد افغانستان کیلئے ترکیہ کی جانب سے فضائی آپریشن آئندہ سال مارچ میں بحال ہو رہا ہے جس کیلئے تیاریاں شروع کردی گئی ہیں۔
ذرائع کے مطابق ترکش ائیرلائنز کابل اور مزار شریف کیلئے فضائی سروس شروع کرے گی۔
ذرائع کا کہنا ہے کہ آئندہ برس مارچ میں کابل کیلئے روزانہ کی بنیاد پر ایک فلائٹ آپریٹ ہوگی جب کہ مزار شریف کیلئے ہفتے میں تین پروازیں چلائی جائیں گی۔
ترکش ائیر لائنز ماضی میں استنبول ائیرپورٹ سے افغان دارالحکومت کابل کے انٹرنیشنل ائیرپورٹ اور مزار شریف ائیرپورٹ تک براہ راست پروازیں چلاتی رہی ہے۔
واضح رہے کہ افغان میں طالبان حکام کی جانب سے عالمی برادری سے کابل کیساتھ فضائی آپریشن بحال کرنے کی مسلسل اپیل کی جا رہی ہے۔